S'Nature Aqua Rice Cleansing Balm (90ml)

Энэхүү цэвэрлэгч бальм нь арьсыг хуурайшуулахгүйгээр нүүрний будаг, нарны тос болон бохирдлыг гүн цэвэрлэхийн зэрэгцээ арьсыг гэрэлтсэн, чийглэг болгох зориулалттай S'Nature брэндийн алдартай бүтээгдэхүүнүүдийн нэг юм.

S'Nature Aqua Rice Cleansing Balm нь хатуу хэлбэртэй боловч арьсан дээр иллэг хийх үед биеийн дулаанд хайлж, зөөлөн тосон (oil) хэлбэрт шилждэг "Sherbet-to-Oil" бүтэцтэй цэвэрлэгч юм. Усаар зайлах үед сүүн шингэн болж хувиран (emulsification process), арьсан дээр ямар нэгэн тослог, хүнд мэдрэмж үлдээлгүйгээр бүх бохирдлыг гадагшлуулдаг.

Гол үйлчилгээ:

Арьс өнгө засах, цайруулах үйлчилгээ: Цагаан будааны ханд нь арьсны өнгийг сэргээж, илүү тунгалаг, гэрэлтсэн харагдуулахад тусалдаг.

Гүн цэвэрлэгээ (All-in-One): Усны хамгаалалттай (waterproof) хүнд будаг, уруулын будаг, сормуусны будаг болон нарны тосыг ганцхан алхмаар хялбархан уусгаж цэвэрлэнэ.

Нүхжилтийн бохирдол ба Хар батга арилгах: Арьсны нүх сүвэнд хуримтлагдсан илүүдэл себум (тослог) болон хар батгыг зөөлөн уусгаж цэвэрлэнэ.

Хуурайшуулахгүй чийглэг мэдрэмж: Цэвэрлэсний дараа арьс таталдаж хуурайшихгүй, харин ч маш зөөлөн, чийглэг хэвээр үлдэнэ.

Найрлага:

Йожу арлын Цагаан будааны ханд (Yeoju Rice Extract): Солонгосын цэвэр онгон байгальтай Йожу бүс нутгийн шим тэжээлээр баялаг цагаан будааны хандыг ашигласан. Энэ нь амин хүчил, витаминаар баялаг тул арьсыг гүн чийгшүүлж, өнгийг нь цайруулан зөөлрүүлнэ.

Ургамлын гаралтай тоснууд: Арьсыг цочроохгүйгээр бохирдлыг уусгах бөгөөд арьсны хамгаалалтын бүрхүүлийг давхар тэжээлээр хангана.

Аква (Чийгшүүлэгч комплекс): Цэвэрлэгээний явцад арьсны чийгийг алдагдуулахгүй барьж байх үүргийг гүйцэтгэнэ.

Бүтэц: Анх харахад хатуу цөцгий шиг хэлбэртэй боловч арьсанд хүрэнгүүт маш зөөлөн хайлж тос болдог.

Шингэц: Ус хүрэх үед маш хурдан сүүн шингэн болон хувирч, арьснаас ямар ч үлдэгдэлгүйгээр угаагдаж цэвэрлэгддэг.

Цочрол үүсгэхгүй: Нүдний эргэн тойрны будгийг цэвэрлэхэд нүд хорсгохгүй, зөөлөн байдаг тул эмзэг арьстай хүмүүст маш тохиромжтой.

Хэнд илүү тохиромжтой вэ?

Нүүрээ угаасны дараа арьс нь хэт хуурайшиж таталддаг хүмүүст

Хүнд будаг болон нарны тосоо нэг алхмаар, арьсаа үрж гэмтээхгүйгээр цэвэрлэхийг хүсэгчдэд

Арьс нь гундаж, өнгөө алдсан тул цэвэрлэгээний шатнаасаа эхлэн гэрэлтсэн өнгө оруулахыг хүсэж байгаа хүмүүст

Тосон цэвэрлэгч хэрэглэхэд урсчихдаг учраас арай хэрэглэхэд хялбар, бальм хэлбэрийн тос хайж буй хүмүүст

Хэрэглэх заавар:

Бүтээгдэхүүнтэй хамт дагалдаж ирэх халбагаар зохих хэмжээг авна.

Хуурай гар дээр авч, хуурай нүүрэндээ түрхэн, будгийг уустал нь хурууны өндгөөр зөөлөн дугуй хөдөлгөөнөөр иллэг хийнэ.

Гартаа бага зэрэг бүлээн ус авч, нүүрэндээ иллэг хийхэд тос нь сүүн өнгөтэй болж хувирна.

Үүний дараа бүлээн усаар сайтар зайлж угаана. (Шаардлагатай бол дараа нь усан суурьтай хөөсөн цэвэрлэгчээр хоёр дахь шатны цэвэрлэгээг хийж болно).